Na década dos 90, o Consorcio da Zona Franca de Vigo recuperou a fronte marítima do centro da cidade cun ambicioso proxecto de 150.000 m² “Abrir Vigo ao Mar". Esta actuación realizouse mediante un acordo de colaboración entre a Autoridade Portuaria de Vigo, que achegou os terreos; o Consorcio da Zona Franca, que executou e financiou as obras; o Concello de Vigo, que realiza o seu mantemento e a Xunta de Galicia.
A actuación recibiu numerosos premios de arquitectura, e mereceu unha subvención de 18 millóns de euros polo Banco Europeo de Investimentos, que se uniron á inversión total de 120 millóns de euros.
As principais obras foron:
As infraestructuras viarias que formaron a Ronda do Mar, o peche costeiro dos cintos de circunvalación de Vigo.
Unha zona de servizos administrativos sobre o aparcadoiro da Praza da Estrela.
O centro comercial A Laxe, situado en pleno centro marítimo de Vigo, a carón do Paseo de Montero Ríos, do Real Club Náutico e da entrada ao Peirao de Transatlánticos.
